بالصور طريقة عمل العرسية الاماراتية

[تكفيني الذكرى]

مبروك عليكن رمضان مقدما

وبهالمناسبه أقدم لكن عرسية الدياي وأنا اسميها اخت الهريس عشان تقريبا نفس الطريقه بس اللي يميزها انها أسهل وأسرع وأرققققق:shy: وما تحتاي ضرب وايد مثل الهريس:angry:



المقادير:

ديايه وزنها حوالي 1400 جم

كوبين عيش بسمتي

ملح

رشة فلفل اسود

رشة هال



والحين الطريقه:

اغسلي العيش وانقعيه








قطعي الدياي وشلي الجلد واغسلي القطع زين ورشيها بفلفل أسود وملح وخليها حوالي نص ساعه عشان تخوز عنها الريحه






اغسلي قطع الدياي وفوريها في ماي وملح وهال على نار متوسطه....خلي القطع تستوي على الآخر

شلي العظم على الدياي. ومب مهم تقطعين قطع صغيره عشان ضرب العيش بيفتتها







قايسي ماي الدياي: 3 اكواب ماي لكل كوب عيش (الكوب اللي قايستي به العيش نفسه قيسي به ماي الدياي)

الحين عندج في الجدر 6 اكواب ماي سلق الدياي.. خلي الماي يفور عقب ما تضيفين له قطع الدياي

عقب ما يفوق زين، ضيفي العيش عقب ما تكونين تخلصتي من الماي اللي نقعتيه فيه...


خلي العيش يفور على نار عاليه نسبيا لين ينقص مستوى الماي مثل هاي الصوره (يعني الماي يوصل مستوى العيش) ولا تنسين تغطين الجدر








وطي النار على الآاااااااااااااااااااااخر والأحسن تحطين تحت الجدر العازل او أي حديده مناسبه عشان تخفف الحراره.. طبعا لا تنسين تغطين الجدر..



الحين الماي بينـشف مثل الصوره.....






غطي الجدر بألمنيوم وسوي فتحه بالسكين وخليه حوالي نص ساعه (حسب كمية العيش)



حركي بالملعقة العيش عشان ينخلط ويا العيش اللين وانتبهي لا تخلطينه ويا كل العيش. بس الطبقه اللي فوق.(السبب ان حبات العيش اللي فوق تكون يابسه شويه) مثل الصوره







عقب ما يكون الماي نشف نهائيا والبخار ساعد ان العيش يستوي لين، طفي النار وألحين بتبتدين
المرحله المتعبه شويييييه


هاتي مضرب الهريس لو عندج ولو انتي مثلي ما عندج هاتي مثل هالمضرب








واضربي العيش عدل وكل ما يلصق المضرب في العيش، غطيه في زيت زيتون أو زبده عشان يسهل عليج الضرب مره ثانيه. واضربي العيش لين ما يختفي قوام قطع الدياي وتستوي مثل الخيوط وتحسين العيش استوى ليييييييييييييييييين. شوفي الصور وبتلاحظين كيف العيش انهرس






هنيه شوفي كيف اختفت قطع الدياي وتفتت وانخلطت ويا العيش اللي تغير لونه








قدمي العرسيه في صحن مناسب عقب ما تعدلين شكلها بظهر الملعقة اللي تغطينها في السمن او الزبده ولااااااااااااااااا تنسين ترشي شويه سمن على الويه وقدمي العرسيه وهي حااااااااااااااااااره...وبالعااااااااااااااااااااا فيه

















نصايحي وملحوظاتي:

-كبدايه ، ابتدي بنص الكمية أحسن...

-خلي قطع الدياي تفور على نار متوسطه عشان يتشبع الماي بطعمها

-الدياي بالعظم أحسن عن الدياي المخلي عشان العظام تعطي طعم للعرسيه خصوص انج بتقطعين الدياي قطع صغيرة

-راقبي الجدر زين عشان ما يلصق العيش او يحترق ولا تعلين على النار عشان تختصرين الوقت.

-استخدمي جدر تيفال عشان تمنعين الالتصاق وهالنوع يتحتفظ بالحراره أكثر بسبب سمكه

-تغطية الجدر تساعد على ليونة العيش لأننا بنحتفظ بالبخار

-لا تضربين العيش يوم الجدر على الغاز . مثلي على الأرض أو طاوله وفي الحالتين يفضل حد يمسك لج الجدر وانتي تضربين العيش عشان ما تتعبين.


- أثناء ضرب العيش، ارفعي تهوية المكيف أو ابتعدي...عشان ما تبرد العرسية




منقول من الاخت المصدر ع الصور

[3sooola]

تسلم .. يعطييك العاافيه .. تقبل مروري

[الجارح]

مشكور على طرحك للعرسية الاماراتية والوصفة الشهية

[مزآجيهه]

يمي ^^
تسلم أخوي عالوصفه
يعطيك اللللللف عافيه
تقبل مروري

[مربحانيه حلوة وتتحدى]

ماشاء الله

yaaaaaaaaaaaaaaaaaaaaaaaaaaaaam

[همسة ورده]

مشكور اخوي طريقه حلوه وسهله ...

[مناير]

مشكوووور على الموضوع الرائع


ولا تحرمنا من مواضيعك الحلوه

يامديرنا

[خيالة]

ههههههـ ديايا زونها ^ــــــ* ؟..

واذا كانت الديكة صغيره فما العمل ههـ ^^


تكفيني الذكرى تمازحت ^^

شكرا جزيلا ع المقادير و الطريقة ..
سلمت يداك ..

[3beer alroo7]

يم يمي
أنا أعشقها والله

بس طريقتي أحلى وأسهل
مابخبركم ... هع

يعطيكم الف عافيه ع الطرح

نترقب الزوود

[حلم طيف]

تسلـــــــم خيتــــــووووو...لـآهنت عالطــرح الـغـآآوي