السلام عليكم ورحمه الله وبركاته


للي يقراا

اشحالكم ؟؟ عساكم بخير..


في البدايه بسرد عليكم سيرتي عسب الي مايعرفني يعرفي خخخخ


الوتر الحساس

اخترت هالنيك نيم لاني احبه وااايد

مهنتي : طالبه جامعيه خريجة اعلام يعني نيوو فرش هههههه

والوظيفه يايه في الدرب انشاءالله ،،

هواياتي:

ممممممم وووايد

بذكر شي منها باختصار

الرسم وبالذات على الفحم

التصوير والاخراج

السباحه ( واموت على شي اسمه سباحه) ،، مب سباحه حمام الغرفه لااا خخخخ ،، السباحه في مسبح خخخ

الموسيقى ( حاليا ادرب على عزف الكمان ،، بس الي يعلمني مسافر وماعرف متى حضرته الشيخ بيرد ،، يتعازم الظاهر ،، شكلي بدور غيره)

،،

طبعا البعض بيستغرب ،، بس هاي هوايه واحب امارسها


عندي هوايه الفضول بس بحدود

المغامرات ،، يعني احب اغامر بس احيانا اخاف بس لو كنت حاسه اني راح انجح في الشي اغامر واتوكل على الله

السفر،، واحلى شي عندي لان السفر يعلمني اشيا وايد ومنها اوسع دائرت المعارف عندي واحب اتعرف على الناس ،، طبيعتي لاني اجتماعيه واحب اتعرف على الناس ....

ممممم

شو بعد

مممممممممم

بذكر لكم موقف دايما يستوي طبعا مب حقي ،، حق قطوتي المسكينه

ميمي


اخوي الصغير دايما يوم يشوفها يمسكها من ذيلها ويلوح فيها ويفرها

واهي تصرخ بس لا مجيب،، لاني مااألحق على اخوي يوم يسوي فيها هالحركه،، طبعا الي متعلم هالحركه ولد اختي النونو

ويحليلها ميمي قامت تخاف منهم اول ماتشوفهم تشرد خخخخخخخ،، والبلاوي الثانيه الي يسونها فيها
الاخت مب سالمه منهم


ووبس

اليوم : الخميس

الساعه : 7 الصبح

التاريخ: 10/7/2008م

المكان: في غرفتي

شو اسوي : ولا شي

عيبتي قصيده شفتها وانا اتصفح في بعض المواقع

وحبيت احطهااا

( اهي اهداااء حق شخص))






{ آســـــــــــــــفــــه}

أسفه أنا في جيتـي لـك تسرعـت
ظنيت ألاقـي فيـك شـي فقدتـه


كنت أحسبك مجروح مثلي تولعـت
جربت فرقى شخص قلبـك وهبتـه


كنت أحسبك من مر جرحك تجرعت
حبيت فيك أحسـاس طفـل لمحتـه


لو قلت آآآه بوسط روحي توجعت
ولو شفت دمعاتك شعوري سكبتـه


ولو تطلب أعيونـي أبـد ماتمنعـت
وأعطيك قلبي لـو بعـد ماطلبتـه


وصلت بك أعلى مكـان وتربعـت
وفي قلب غيري يالغضـي ماوصلتـه


وأصبر على صدك وأشوفك تدلعت
وأعطيك ود ومـا ظنـك حسبتـه


أذهلتني بطباعـك اللـي تطبعـت
حتى قصيدي فيـك أبـد مافهمتـه


لو كان غاياتك حروفي فأنـا بعـت
وأفرح بجرح الشاعر اللـي جرحتـه


وأرجوك من صدك ترانـي تشبعـت
خلك مع اللي عاجبـك أو عجبتـه


يكفي قهر في جيتي لـك تواضعـت
تركت غيرك لجـل عينـك وبعتـه


ياليتني عن حـب مثلـك ترفعـت
ياليت قلبي قبـل أعرفـك دفنتـه


لكن أبي أبعد دامني بـك توهقـت
الله يرحـم حبنـا اللـي ذبحـتـه


أنا شريت الود والحيـن أنـا بعـت
وأنا عطيتـك قلبـي اللـي قهرتـه


في يوم جيتك أطلـب ود وأقنعـت
نفسي بأنك شخص عـادي عرفتـه


كمل حياتك مثل مـا أنـا توقعـت
تبقى أسيـر الماضـي الـي فرضتـه


ولا يحزنك أنـي جبـان وتراجعـت
حولك بدالي ألف شخـص عجبتـه


أما أنا لايمكـن أخضـع ولاطعـت
يحرم علي أعطيـك قلـبٍ خذلتـه


باريحك من شوفتـي يـوم قاطعـت
أسلوبك اللي بـه تجامـل كرهتـه


غلطـان يالمقفـي أنـا ماتتبـعـت
غيـرك يتابـع خطوتـي ماتبعـتـه


ماينحني راسي لـو أنـت تقطعـت
وماهوب أنا مـن لا رميتـه لقطتـه


وأن كان غرك حكي عذالك وطعت
الله يعلـم كيـف قلبـي سكنتـه


اللي ملا قلبـك علـي وتسمعـت
خله يعوض شخص مثلـي خسرتـه


أنـا بمافيـه الكفـايـه تولـعـت
واللي بقى من قلب فينـي حرقتـه


وأن شفتني صدفه بعينـك تطلعـت
ذكرتنـي بإنسـان غالـي فقـدتـه


بأول لقا سلمته أحساسي وضعـت
غلطت حياتي يـوم قلبـي سلبتـه


وأستسمحك فالبعد كاني تراجعـت
ماعاد أبلقـى فيـك شـي فقدتـه


طبعك مثل غيرك وطبعي كما كنـت
أحب شخـص ولا تركتـه تركتـه

اليوم: الخميس
الساعه: 7 وربع المسا
التاريخ:10/7/2008م
المكان: في بيتنا وبالتحديد في الصاله

مممم

توني راجعه من برع خذت لي لفه اتمشى واغير جووو،، مريت صوب دبا اليوم ،، وانا خاطفه قريت لافته مكتوب عليها( أعراس اللاغش) اعتقد الاسم صح ولا لاء

وشفت مسوين عرس ويوله وهبان وغيره خخخخخ عيبني بغيت انزل اشوف بس مايستوي قعدت اطالع من من بعيد وانا اسوق شوي شوي

قلت في خاطري الله يتمم عرسكم على خير وروحت

ورحت على البحر شوي بس ماقدرت انزل لان الجو كان حار واايد وقطوتي الزفته حشرتني وكانت تبا تنزل طبعا ماخليتها لانها بتنصلخ بسرعه ههههه

ووبس

ملل وايد ملل


عيال اخواني وخواتي كلهم عنا في البيت

واحس البيت صاير حضانه أطفال ،، فديتهم والله مااشوفهم بس في الويكند ،، خاشه عنهم قطووتي خخخ لانهم لو شافوها كل واحد بستلمها والله يعينها عقب خخخ





ابي اروح على البحر ،،، وقت الليل يعيبني البحر لان محد يكون موجود أحب اتمشى واحط ريلي بالرمله وألعب بالمااااي ،، وناسه والله وشعور ثاني يوم يكون ماي البحر بارد

خاطري اروح الكورنيش واغير جوو ،، بس الجو حر مايساعد







الســـــاعه : 12 اليوم ،، بكون في تاريخ( 11/7) عيد ميلاد ولد اختي النونو ( فصوول) بكمل السنتين وعقبال مليون سنه حقه انشاءالله واشوفه دكتور خخخخخخ

طبعا بحضر الحفله على آخر شي ،، لان كل الجمهور الي راح يحضر ( أطفال) ولاتعليق يعني على حركاتهم ورقصهم وبراءتهم الحلووه

بس انا لازم ألحق على الكيك ههههههه

محضره حقه هديه حلوه بعطيها حق امه وابوه في نهايه الحفله






خاطري إن قطوتي تحب لها قطو من الشارع خخخخخخخخخخخ

عسب تعرس وتييب عيال خخخخخخخخخخخخ

بس قطاوت الشارع صايعين أخاف يخربونها وتشرد عني عقب،،

الساعه : 12 ليلا ،، بدأ عيد ميلاد فصول الحشري


كل سنه واهو بخير

وعقبال المليووون

وعقبال مااشوفه دكتور ومعرس خخخخخخخخخخخخ


احينه عاد الميلس مستوي حضانه واسمع اصوات صريخ وضحك وغيره

الحفله بدأت ،،، انا مالي خاطر احضر عندهم ،، بشوف كل شي عقب لان اختي تصور الحفله بكميرت فيديو،،